നാലുകെട്ട്

മാപ്പ്...... [കീ ശക്കഥ-5]

      തിരുമേനീ മാപ്പു തരണം. മുണ്ടനാണ് കുടിച്ചു വെളിവില്ല. നാട്ടിലെ പേരുകേട്ട കുടിയനാണ്. കുടിച്ചില്ലങ്കിൽ നല്ല മനുഷ്യനാണ് മുണ്ടൻ. കടയിൽ വന്നു ബഹളമാണ്. 
"എന്തിനാ മുണ്ടാ മാപ്പ്... മുണ്ടൻ തെറ്റൊന്നും ചെയ്തില്ലല്ലോ?"
"അതു പറഞ്ഞാൽ പറ്റില്ല തിരുമേനി മാപ്പ് തന്നു എന്നു പറഞ്ഞാലെ അടിയന് സമാധാനമുള്ളു"
" തെറ്റു ചെയ്തെങ്കിൽപ്പൊരേ മാപ്പ്. മുണ്ടൻ വീട്ടിൽ പൊയ്ക്കോ ള്ളു"
"തിരുമേനീ.. എന്നാലും ഇത്രയും അഹങ്കാരം പാടില്ല. ഞാനൊരു മാപ്പല്ലേ ചൊദിച്ചുള്ളു. കാശൊന്നും ചോദിച്ചില്ലല്ലോ?"മുണ്ടന്റെ ശബ്ദം ഉയർന്നു തുടങ്ങി. ആൾക്കാർ ശ്രദ്ധിച്ചു തുടങ്ങി. എന്തായാലും മുണ്ടൻ വിടുന്ന ലക്ഷണമില്ല. വീണ്ടും ഇതര മണിക്കൂർ തുടർന്നു. എന്തിനാണ് മുണ്ടൻ മാപ്പു ചോദിക്കുന്നതെന്ന് മനസ്സിലായില്ല. എന്തായാലും ശല്യം തീരട്ടെ.
"സാരമില്ല.. മുണ്ടന് മാപ്പ് തന്നിരിക്കുന്നു".
"ഫാ... പട്ടിക്കഴു................... ഇതാദ്യമേ ആദ്യമേ അങ്ങു പറഞ്ഞാൽപ്പോരായിരുന്നോ? ഇതാളെ മെനക്കെടുത്താൻ.
മുണ്ടൻ ആടി ആടി നടന്നു നീങ്ങി.