നാലുകെട്ട്

     ഓട്ടുരുളി... [നാലുകെട്ട് - 109]

ആ ഓട്ടുരുളിക്ക് ഒത്തിരി പ്രത്യേ കതയുണ്ട്. അത് അന്ന് ബലിക്ക് കവ്യം (ഉണക്കൽച്ചോറ്] വയ്ക്കാൻ മാത്രമേ ഉപയോഗിക്കൂ. പിതൃക്കളെ തൃപ്തിപ്പെടുത്താനാണ് ബലി (ശ്രാദ്ധം) ഇടുക. 
  ലോകത്തിലെ ഏറ്റവും നല്ല സമീകൃതാഹാരമാണ് നമ്പൂതിരിമാരുടെ ബലി സദ്യ എന്നൊരു പഠനം തന്നെയുണ്ട്. അതിന്റെ വിഭവങ്ങൾ വെന്ത വെളിച്ചണ്ണയിൽ ആണുണ്ടാക്കുക. വെന്ത വെളിച്ചണ്ണയുടെ ഔഷധഗുണങ്ങളേപ്പററി നിരവധി പഠനങ്ങൾ ഇതിനകം വന്നു കഴിഞ്ഞു. [ഇത് ഉണ്ടാക്കുന്ന രീതി ഈ പരമ്പരയിൽ മുമ്പ് പ്രതിപാദിച്ചിട്ടുണ്ട് ]. പുളിശേരി, എരിശ്ശേരി, ഓലൻ.ഇതിനൊക്കെക്കുരു മുള കേ ഉപയോഗിക്കൂ. കുരുമുളക് നന്നായിഅമ്മിക്കല്ലിൽ അരച്ചെടുത്താണ് ഉപയോഗിക്കുക. വറുത്തു പ്പേ രി നാലുകൂട്ടം. കോവക്കാ ആണ് മെഴുക്കു പിരട്ടി ക്ക്. പ്രധമൻ നാലു കൂട്ടം. അട, പരിപ്പ്, പഴം പിന്നെ പഞ്ചാമൃതം.കദളിപ്പഴം അരിഞ്ഞ് അതിൽ ശർക്കരയും തേങ്ങാപ്പാലും ചേർത്താണ് പഞ്ചാമൃതം ഉണ്ടാക്കുക. 
     ഒരു തൂശനില രണ്ടായി കീറി നിലത്ത് വിരിച്ച് അതിനു മുകളിൽ വേറൊരു തൂശനില ഇട്ടാണ് കവ്യം വിളമ്പുക. ആദ്യം ഇഞ്ചി, ഉപ്പ്, പിന്നെ ശർക്കര. അതിനു ശേഷം ക വ്യ o' .ശ്രാദ്ധത്തിന് വിളമ്പിക്കൊടുക്കുന്ന ക്രമം നിർബന്ധമാണ്. വെറ്റില, അടക്ക,പണം, വസ്ത്രം പിന്നെ വത്സൻ (അട). ഇതാണ് ദക്ഷിണ.
പണ്ട് മുത്തശ്ശൻ ശ്രാദ്ധത്തിനു പോകുംബോൾ ആ അടക്കു വേണ്ടി ക്കാത്തിരിക്കന്നത് ഇന്നും ഓർക്കുന്നു.