ശ്രവണം മുക്തിദായകം " ' ആദ്യ ഭാഗവതസത്ര വേദിയിൽത്തന്നെ ആയിരുന്നു 25-മത് സത്രവും. കുറിച്ചിത്താനം പൂത്തൃക്കോവിൽ ക്ഷേത്രത്തിൽ. അന്ന് ആ സത്രത്തിൻ്റെ എല്ലാമെല്ലാമായിരുന്ന മള്ളിയൂർ ശങ്കരൻ നമ്പൂതിരിയാണ് ആ സത്രത്തിൻ്റെ "സ്ലോ ഗൺ" നിശ്ചയിച്ചത്. " ശ്രവണം മുക്തിദായകം". കാണുന്നതിനേക്കാൾ കേൾവി ആണ് മനസിൽ കൂടുതൽ കാലം നിലനിൽക്കുന്നതെന്നും അദ്ദേഹം അന്നു പറഞ്ഞിരുന്നു.ഞാൻ പിൽക്കാലത്തു് അമേരിയ്ക്കയിൽ കുറേക്കാലമുണ്ടായി. അന്നും അവിടെ ഓൺലൈൻ പഠനം വ്യാപകമായുണ്ട്. അവിടത്തെ വിദ്യാഭ്യാസ പ്രവർത്തകരുമായി അന്ന് അടുത്തിടപഴകാന വസരമുണ്ടായി. അവർ ഇപ്പോൾ പറയുന്നത് ഒരു വീഡിയോ കണ്ടു പഠിക്കുന്നതിനേക്കാൾ കേട്ടു പഠിക്കുന്നതാണ് മനസിൽ കൂടുതൽ കാലം തങ്ങിനിൽക്കുന്നതെന്നാണ്. അവിടെയാണ് കുട്ടികൾക്ക് കൂടുതൽ ചിന്തിക്കാനവസരം കിട്ടുന്നത്. വ്യത്യസ്ഥ അഭിപ്രായങ്ങളും ഉണ്ട്.പക്ഷേ അവിടെ കഥകൾ വായിച്ചു തരുന്ന ഈ ബുക്കുകൾ സർവ്വസാധാരണമാണ്. ലൈബ്രറി കളിൽപ്പോലും. മറ്റു ജോലികൾ [ ഡ്രൈവിംഗ് പോലെ ] ഇതു കേട്ടു കൊണ്ട് ചെയ്യാൻ പറ്റുന്നു എന്നത് പ്രധാനമാണ്പണ്ടു മുത്തശ്ശിമാർ പറഞ്ഞു തരുന്ന മുത്തശ്ശിക്കഥകൾ ഇന്നും നമ്മുടെ ഓർമ്മയിലുണ്ടാകും. കണ്ണിന് ഹാനികരമായ ഈ ക്ലാസുകൾ പകുതി എങ്കിലും ഓഡിയോ മുഖാന്തിരം ആക്കിയാൽ നന്നാവും എന്നു തോന്നുന്നു.