Thursday, August 5, 2021

വനവൽക്കരണത്തിന് ഒരജ്ഞാത സുഹൃത്തിൻ്റെ കൈത്താങ്ങ്ഫലവൃക്ഷങ്ങൾ ,ഔഷധ സസ്യങ്ങൾ, അപൂർവ്വമായ മറ്റു മരങ്ങൾ ഉൾപ്പടെ ഒരേക്കർ സ്ഥലം വനംപിടിപ്പിക്കാൻ തീരുമാനിച്ചപ്പോൾ പ്രതികരണങ്ങൾ പലതരത്തിലായിരുന്നു. പ്രകൃതി സ്നേഹികൾ അഭിനന്ദിച്ചു. ചിലർ കളിയാക്കി, ചിലർ സഹായിച്ചു.ഇന്നലെയാണ് എന്നെ അത്ഭുതപ്പെടുത്തിയ ഒരു ഫോൺ വിളി ."പത്രത്തിലൂടെ അങ്ങയുടെ മഹത്തായ പ്രവർത്തനങ്ങൾ അറിഞ്ഞു. ഒരേക്കർ സ്ഥലത്തിനു ചുറ്റും കയ്യാല വച്ച് അതിനു മുകളിൽ രാമച്ചം വയ്ച്ചുപിടിപ്പിക്കാൻ രാമച്ചം അന്വേഷിക്കുന്നു എന്നറിഞ്ഞു. ആവശ്യമുള്ളത് ഞാനവിടെ എത്തിച്ചു തരാം"രാവിലെ 170 പുവട് രാമച്ചവും, മറ്റ് അപൂർവ്വ ഫലവൃക്ഷത്തൈകളും ഇവിടെ എത്തിച്ചു തന്നു. തോണിപ്പാറ തോമ്മസ്. എനിക്കു മുമ്പ് പരിചയമില്ല. കണ്ടിട്ടില്ല. ഇപ്പഴും കാണാൻ സാധിച്ചില്ല. അത്ഭുതം തോന്നി. മണ്ണിനെ സ്നേഹിക്കുന്ന, പ്രകൃതിയെ ഇഷ്ടപ്പെടുന്ന ജാഢകളില്ലാത്ത ആ അജ്ഞാത സുഹൃത്തിനോടെനിക്കു് ആദരവ് തോന്നി. കാണണം. ഒരിയ്ക്കൽ പോയിക്കാണണം. ഇങ്ങോട്ട് കൂട്ടിക്കൊണ്ടുവരണം