ചക്കപ്പുഴുക്കും പൊടിയരിക്കഞ്ഞിയും [തനതു പാകം - 36]ഒരു സ്പെഷ്യൽ ചക്കപ്പുഴുക്ക്.ചുളയുടെ കടയും തലയും മുറിച്ചുമാറ്റി കുരുകളഞ്ഞ് ചെറുതായി അരിഞ്ഞ് കുക്കറിൽ ഇടുക. മഞ്ഞപ്പൊടിയും, സ്വൽപ്പം മുളകുപൊടിയും, ഉപ്പും, കുരുമുളക് പൊടിയും ഒന്നരക്കപ്പ് വെള്ളത്തിൽ ചേർത്ത് നന്നായി ഇളക്കി കുക്കറിൽ ഒഴിച്ച് ഇളക്കുക. നല്ല വാഴയില കഴുകി നന്നായി അടച്ചു വയ്ക്കുക. കുക്കറിൻ്റെ അടപ്പ് അടച്ച് വെയിറ്റിട്ട് വേവിച്ചെടുക്കുക.നാളികേരവും, ഉള്ളിയും, കരിവേപ്പിലയും കാന്താരിമുളകും മിക്സിയിൽ അരച്ചെടുക്കുക. ഒന്നു നന്നായി ചതച്ച് എടുത്താൽ മതി.പാകമായാൽ കുക്കർ തുറന്ന് വാഴയില മാറ്റണം. വാഴയില കൊണ്ട് അടച്ചു വച്ച് വേവിക്കുമ്പോൾ ഒരു നല്ല ഫ്ലേവർ കിട്ടും. സ്വാദും കൂടും.കൂക്കർ വീണ്ടും അടുപ്പത്ത് വച്ച് അരവ് ചേർത്ത് വീണ്ടും ഇളക്കുക. സ്റ്റൗ ഓഫ് ചെയ്തു് 'മുകളിൽ നല്ല പച്ചവെളിച്ചണ്ണതളിക്കണം. അരിഞ്ഞ കരിവേപ്പില വിതറണം. കുറച്ച് കഴിഞ്ഞ് ഇളക്കി എടുത്ത് ഉപയോഗിക്കാം,നല്ല പൊടിയരിക്കഞ്ഞി കൂടി കൂട്ടുണ്ടങ്കിൽ നല്ല ഒരു സമീ കൃതാഹാരമായി.