മഹാസുദർശന ഹോമം [ നാലുകെട്ട് - 36o].സുദർശനം എന്നാൽ നല്ല ദർശനം അല്ലങ്കിൽ നല്ല ദൃഷ്ട്ടി എന്നാണർത്ഥം. സാധാരണ സുദർശന ഹോമം തറവാട്ടിൽ നടത്താറുണ്ട്.മഹാസുദർശന ഹോമം അപൂർവമായും നടത്തിയിരുന്നു സുദർശ്ശനമൂർത്തി ആയ മഹാവിഷ്ണു മാനസികവും ശാരീരികവുമായ ബുദ്ധിമുട്ടുകളെ പരിഹരിക്കുന്നു എന്നാണ് വിശ്വാസം. 108 അക്ഷരങ്ങളുള്ള മഹാസുദർശ്ശനമൂർത്തിയുടെ മാലാമന്ത്രം ജപിച്ചാണ് ഏഴു തരം ദ്രവ്യങ്ങൾ ഹോമിക്കുന്നത്. കടലാടി, എള്ള്, എരിക്ക്, കണിക്കൊന്ന, പാതിരി, കുമ്പിൾ, ഹവിസ് ഇവയാണ് ദ്രവ്യങ്ങൾ. മന്ത്രം ജപിക്കുമ്പോൾ ബീജാക്ഷര മന്ത്രങ്ങൾ ഉറക്കെ ജപിയ്ക്കരുത് എന്ന് അച്ഛൻ പറഞ്ഞു തന്നതോർക്കുന്നു. 'കുട്ടിക്കാലത്ത് ആദ്യമൊക്കെ തെല്ല് ഭയത്തോടും പിന്നെപ്പിന്നെ ഒരു വല്ലാത്ത ആവേശത്തോടെയും ഇതിന് ദൃക്സാക്ഷി ആയതു് ഓർക്കുന്നു.