മിയാവാക്കി "- വനവൽക്കരണത്തിനൊരുങ്ങിഎൻ്റെ സർപ്പക്കാടുകൾ സംരക്ഷിക്കുന്നതോടൊപ്പം അതിനോട് ചേർന്നുള്ള ഒരേക്കർ സ്ഥലം വനംപിടിപ്പിക്കാനുള്ള ശ്രമത്തിനിടയിലാണ് "മിയാ വാക്കി; വനവൽക്കരണത്തെപ്പറ്റി അറിയുന്നത്. ജാപ്പാനീസ് സസ്യ ശാസ്ത്രജ്ഞനായ പ്രഫസർ 'അക്കിരമിയാവാക്കി' ആണ് ഈ നൂതന രീതിയുടെ ഉപജ്ഞാതാവ്.നൂറു വർഷം കൊണ്ടുണ്ടാകുന്ന വനം പത്തു വർഷം കൊണ്ട് നമുക്ക് ഉണ്ടാക്കി എടുക്കാൻ ഈ ജപ്പാനീസ് വിദ്യയിലൂടെ സാദ്ധ്യമാകും. ഇവിടുത്തെ കാലാവസ്ഥയിൽ അത്രയും കാലം പോലും വേണ്ട. ജപ്പാനിലെക്കാൾ വളരെ വേഗംമരങ്ങൾ കേരളത്തിൽ വളരും. ഒരോ മണ്ണിനു പറ്റിയ മരങ്ങൾ കണ്ടു പിടിക്കണമെന്നേയുള്ളു. " ഫോറസ്റ്റ് കില്ലർ "ചെടികൾ ഒഴിവാക്കണം.,.ഭൂമിക്ക് താങ്ങും തണലും, ജീവജാലങ്ങൾക്കു് ഭക്ഷണം, നാടിന് ഒരു നല്ല ആവാസവ്യവസ്ത, ശുദ്ധമായ വായൂ പ്രവാഹം ഇത്രയും ഒക്കെയുടെ ചെറിയ ചെറിയ മോഹങ്ങളുമായി ഒരു ചെറിയ സംരഭമായി ഇതിനു തുടക്കം കുറിച്ചു കഴിഞ്ഞു. അറിവുള്ളവരുടെ നിർദ്ദേശങ്ങൾക്ക് സ്വാഗതം