പാച്ചൂൻ്റെ മിൽക്ക് ഷെയ്ക്ക്.[ അച്ചു ഡയറി-572] പാച്ചുമിൽക്ക് ഷെയ്ക്ക് ഉണ്ടാക്കാനുള്ള ശ്രമത്തിലാണ്. അവൻ്റെ ലാപ്ടോപ്പ് തുറന്നു വച്ചിട്ടുണ്ട്. അതിൽ നോക്കിയാണ് നിർമ്മാണം' പാല്, ഐസ് ക്രീം, ബട്ടർ സ്ക്കോച്ച്, കരാമൽ സോസ് പഞ്ചസാര എല്ലാം അവൻ കൃത്യമായി മേശപ്പുറത്തു വച്ചിട്ടുണ്ട്. ചോക്ലേറ്റ് സിറപ്പി പകരം അവൻ പ്രൂട്ട്സി റപ്പാണ് ഉപയോഗിക്കുന്നത്. അതാണ് ആരോഗ്യത്തിന് നല്ലത് എന്നാണവൻ പറയുന്നത്. അവൻ സാവധാനം എല്ലാം പാകത്തിന് മിക്സ് ചെയ്ത് പണി കാണാൻ നല്ല രസമാണ്. അവൻ എല്ലാം മിക്സ് ചെയ്തത് നന്നായി യോജിപ്പിക്കുന്നു. അവൻ്റെ പണി കണ്ടു നിൽക്കാൻ നല്ല രസമുണ്ട്. ഇടക്ക് രുചി നോക്കും. വീണ്ടും പഞ്ചസാര ചേർക്കും. പിന്നെയുo അവനെന്തൊക്കെയോ ചെയ്യുന്നുണ്ട്. ഈ മിൽക്ക് ഷെയ്ക്ക് ആദ്യം ഉണ്ടാക്കിയത് അമേരിക്കയിലാണ് മുത്തശ്ശാ. അവൻ ലാപ്ടോപ്പ് അടച്ചു വച്ചു. അവൻ ഏട്ടനും ഒരു ഗ്രാസ് തരും. കൊതിയോടെ കാത്തിരുന്നു. നന്നായി ല്ലങ്കിലും നന്നായി എന്നേ അച്ചുപറയൂ. പാവം അവനേ വിഷമിപ്പിക്കണ്ടല്ലോ. നല്ല ഒരു ഗ്ലാസിൽ അത് പകർന്ന് സ്ട്രോ ഇട്ട് എൻ്റെ മുമ്പിൽ വന്ന് അതു കുടിച്ചു. ഇടക്ക് നല്ല സ്വാദ് എന്നു പറയുന്നുണ്ട്. ഏട്ടന് കുറച്ചു തരുവായിരിക്കും. എവിടെ. ദുഷ്ടൻ അതു മുഴുവൻ എൻ്റെ മുമ്പിൽ വച്ച് കുടിച്ചു തീർത്തു.എന്നോട് വേണോ എന്നു പോലും ചോദിക്കാതെ." മധുരത്തിൻ്റെയുംനന്മയുടെയും ആൾരൂപമായാണ് അമേരിക്കക്കാർ ഷെയ്ക്കിനെക്കരുതുന്നത്. അവൻ അതു മുഴുവൻ കുടിച്ചു. ഏട്ടാ കൈമണത്തു നോക്കിയെനല്ല മണം. ഞാനവൻ്റെ കൈ തട്ടി മാറ്റി. സത്യത്തിൽ മുത്തശ്ശാ ദേഷ്യമല്ല സങ്കടമാണപ്പൊൾ തോന്നിയത് '" എന്നാലും നീ നിൻ്റെ ഏട്ടന് തരാതെ മുഴുവൻ കുടിച്ചല്ലോ?" അവനവന് ഉള്ളത് അവനവൻ തന്നെ ഉണ്ടാക്കി കു ടിക്കണം.അച്ചുൻ്റെ സകല നിയന്ത്രണവും പോയി. അവൻ ഓടി.മേശയുടെ അടുത്ത് പോയി. അവൻ പതുക്കെ ഒരടപ്പ് ഉയർത്തി.അതിനിടയിൽ ഒരു സ്പടികഗ്ല)സ് നിറയെ നല്ല റോസ് നിറത്തിലുള്ള ഷെയ്ക്ക്. അതിൻ്റെ അറ്റത്ത് ഒരു സ്ടോബറിപ്പഴം വച്ചിട്ടുണ്ട്.ഒരു സ്ട്രേ) യും ഇട്ട് ഏട്ടൻ്റെ നേരേ നീട്ടി. സത്യത്തിൽ മുത്തശ്ശാ അച്ചു കരഞ്ഞുപോയി.അച്ചു ഒരു സ്ട്രോ കൂടി എടുത്ത് ഗ്ലാസിലിട്ടു. അവനേ ചേർത്തു പിടിച്ചു: നമുക്ക് ഒന്നിച്ച് കുടിക്കാം.

പരിവേദനം [ നാലുകെട്ട് -65 2]പണ്ട് നമ്പൂതിരി ഗൃഹങ്ങളിൽ ആൺ പ്രജകളിൽ മൂത്തആൾ മാത്രമേ സ്വജാതിയിൽ നിന്ന് വിവാഹം കഴിക്കാൻ അനുവാദമുണ്ടായിരുന്നുള്ളൂ. അനിയന്മാർ മാറ്റു ജാതിയിൽ നിന്നും ഗാന്ധർവ്വ വിധി പ്രകാരം വിവാഹം കഴിക്കും." പരിവേദനം" എന്നാണതിന്നു പറയുക. അവർക്ക് തറവാട്ടിൽ അർഹമായ സ്ഥാനം പോലും കിട്ടിയിരുന്നില്ല. ഇനി മൂത്ത ആൾക്ക് ഒന്നിൽ കൂടുതൽ വിവാഹം ആകുകയും ചെയ്യാം. അതിന് " അധിവേദനം" എന്നാണ് പറയുക. അങ്ങിനെ വൃദ്ധന്മാരുടെ ഭാര്യമാരായി ചെറുപ്പത്തിലേ പെൺകിടാങ്ങൾ എത്തിയിരുന്നു. ഈ ദുരാചാരത്തിനെതിരെ പടപൊരുതി വിജയിച്ചത് വി.ടി.യും പ്രേംജിയും അടങ്ങുന്ന ഉൽപ്പതിഷ്ണുക്കളായിരുന്നു. അവർ മറക്കടക്കുള്ളിലെ മഹാനരകത്തെ അടുക്കളയിൽ നിന്നരങ്ങത്ത് എത്തിച്ചു. എൻ്റെ മുത്തശ്ശന് നാലനിയന്മാർ ആയിരുന്നു. മുത്തശ്ശൻ മാത്രം മേ സ്വജാതിയിൽ നിന്ന് വിവാഹം കഴിച്ചിരുന്നുള്ളു. അനിയന്മാർ അന്യജാതിയിൽ നിന്നാണ് വിവാഹം കഴിച്ചിരുന്നത്. അവർ വന്നാൽ തറവാട്ടിൽ പ്രവേശനം പോലുമില്ലായിരുന്നു. സ്വന്തം ചോരയാണ്. വല്ലാത്ത വിഷമം തോന്നിയിട്ടുണ്ട്. പിൽക്കാലത്ത് ഞങ്ങൾ ഒരു കുടുംബ സംഗമം നടത്തിയിരുന്നു. അന്ന് ഇവരേ ഒക്കെത്തേടിപ്പിടിച്ച് സംഗമത്തിന് തറവാട്ടിലെത്തിച്ച് അർഹമായ സ്ഥാനം നൽകി ആദരിക്കുകയുണ്ടായി. നമ്മളിൽ ഒന്നായി അവരേ ഒപ്പം ചേർത്തുനിർത്തി. അവരുടെ സന്തോഷം ഒന്നു കാണണ്ടതായിരുന്നു. അവരെ നാലുകെട്ടിനകത്ത് കയറ്റിയിരുത്തി. പണ്ടൊക്കെ ഇതിനകമൊന്നു കാണാൻ മോഹിച്ചിട്ടുണ്ടായിരുന്നത്രേ. ഇന്നും ആ സൗഹൃദം നമ്മൾ കാത്തുസൂക്ഷിക്കുന്നു

പഴയിടം ദാമോദരൻ നമ്പൂതിരി [നാലുകെട്ട് - 647] എന്നെ ഏറ്റവും സ്വാധീനിച്ച വ്യക്തികളെപ്പറ്റിയുള്ള പരമ്പരയിൽ അടുത്തതാണിത്. പഴയിടം ദാമോദരൻ നമ്പൂതിരി നമ്മുടെ പഴയിടംമോഹനൻ നമ്പൂതിരിയുടെ അച്ഛനാണ്. കലാകാരന്മാരെ പ്രോത്സാഹിപ്പിക്കാനും തനതു കലകളെ വളർത്തുവാനും തൻ്റെ സം ബാദ്യത്തിൻ്റെ ഒരു നല്ല ശതമാനം ചെലവാക്കിയ അദ്ദേഹത്തേ ആദരവോടെ യേ കണ്ടിട്ടുള്ളു. കഥകളിയുടെ വടക്കൻ ചിട്ടയും തെക്കൻ ചിട്ടയും തമ്മിൽ യോജിപ്പിക്കുന്നതിന് അദ്ദേഹം വഹിച്ച പങ്ക് വലുതാണ്. കളിക്കോപ്പുകളുമായി കലാമണ്ഡലം കൃഷ്ണൻ നായർ പല പ്രാവശ്യം കുറിച്ചിത്താനത്ത് വന്നപ്പഴും പഴയിടം അവരുടെ കൂടെത്തന്നെ ഉണ്ടാകും.അവർക്ക് എല്ലാ സൗകര്യവും ചെയ്ത്കൊടുത്തതും അദ്ദേഹമാണ്.അതുപോലെ തായമ്പക .പ്രധാനമായും വടക്ക് മതിൽക്കകത്ത് നടന്നിരുന്നതായമ്പക ഒരു വലിയ പരിപാടി ആയി വേദിയിൽ അവസരം നൽകിയത് കുറിച്ചിത്താനം പൂതൃക്കോവിൽ ക്ഷേത്രത്തിലാണ്. ഇവിടുന്നാണ് അത് തെക്കൻ ജില്ലകളിലേക്ക് പ്രചരിക്കുന്നത്. മാതംഗ ശാസ്ത്രത്തിലും അദ്ദേഹം നിപുണനായിരുന്നു. ആനയുടെ ലക്ഷണങ്ങൾ നന്നായി അറിയാവുന്ന അദ്ദേഹത്തെ കൂട്ടിയാണ് ആനയെ വാങ്ങാൻ അന്ന് ആൾക്കാർ പോയിരുന്നത്. കേരളത്തിലെ ഏത് ആനയെക്കണ്ടാലും അതിൻ്റെ ചരിത്രവും ലക്ഷണവും മുഴുവൻ അദ്ദേഹത്തിന് കാണാപ്പാടം പക്ഷേ ഇതുകൊണ്ടൊന്നുമല്ല അന്ന് അദ്ദേഹം ഞങ്ങൾക്ക് പ്രിയങ്കരനായത്.നമ്പൂതിരി ഫലിതങ്ങളുടെ ചാരുത മുഴുവൻ ഉൾക്കൊണ്ട അദ്ദേത്തിൻ്റെ സംസാരരീതിയാണ്. ഏതു ടൻ ഷൻ പിടിച്ച സാഹചര്യത്തിലും പഴയിടം ഉണ്ടങ്കിൽ ആൾക്കാരെ ചിരിപ്പിക്കാനും അങ്ങിനെ മന സംഘർഷം ലഘൂകരിക്കാനും അദ്ദേഹത്തിനു കഴിഞ്ഞിരുന്നു. ഏതാൾക്കൂട്ടത്തിലും തനിക്ക് തോന്നിയത് മടി കൂടാതെ ഉറക്കെപ്പറഞ്ഞ് ഹാസ്യാത്മകമായി ചിത്രീകരിക്കാൻ അദ്ദേഹത്തേക്കഴിഞ്ഞ് വേറൊരാൾ ഉണ്ടായിരുന്നില്ല."സഹോദരിയെ വിവാഹം കഴിച്ച ആൾ " എന്നു പറഞ്ഞ് തൻ്റെ ബ്രദർ ഇൻ ലോയേപ്പ രി ചയപ്പെടുത്തിയപ്പോൾ "നമ്മുടെ നാട്ടിൽ അത് പതിവില്ല" എന്ന പറഞ്ഞത് ഒർക്കുന്നു സ്വന്തം'സുഹാദരിയെ വിവാഹം കഴിക്കാറില്ലന്നു .അദ്ദേഹത്തിൻ്റെ പ്രസിദ്ധമായ ഫലി തോക്ത്തികൾ സംഘടിപ്പിച്ച് ഒരു പുസ്തമാക്കാനുള്ള ഒരു ശ്രമം ആരംഭിച്ചതാണ്. ആ നല്ല ഓർമ്മകൾക്കു മുമ്പിൽ നമസ്ക്കരിക്കുന്നു