പളളിക്കുറിപ്പ് [ഏകാദശി വിളക്ക് - 9] ' പള്ളിവേട്ട കഴിഞ്ഞ് ക്ഷീണിതനായ ഭഗവാനെ അമ്പലത്തിനകത്തേക്ക് ആനയിക്കുന്നു. മണ്ഡപത്തിൽ ശയ്യാപത്മമിട്ട് വിളക്ക് വച്ച് ശയ്യാ പൂജ.ചുറ്റും വാഴപ്പിണ്ടി വച്ച് അതിന് നടുക്ക് പട്ടുമെത്ത ഒരുക്കുന്നു. ശംഖുവിളിച്ച് പാണി കൊട്ടി ഭഗവാനെ ശയ്യയിൽ കിടത്തുന്നു. മുളപൂജ യിലൂടെ ദൈവാംശവും ജീവാംശവും പകർന്ന് മുളകൾ വളർന്ന തൈകൾ കൊണ്ട്ശയ്യക്ക് ചുറ്റും അലങ്കരിക്കുന്നു. അങ്ങിനെ ഭഗവാന് യോഗ നിദ്ര ക്ക് സമയ മൊരുക്കുന്നു. ചുറ്റും തുണികൊണ്ട് മറച്ച ശയ്യയിൽ ഭഗവാൻ തൂലിയാവസ്ഥയിലേക്ക് പ്രവേശിക്കുന്നു. :വാദ്യമേളങ്ങളും മറ്റു ശബ്ദകോലാഹലങ്ങളും നിർത്തുന്നു. വിളക്കുകൾ ഒന്നൊന്നായി കെടുത്തുന്നു. ശ്രീകോവിലിനഭിമുഖമായി മണ്ഡപത്തിൽ സുരക്ഷക്ക് രാത്രി മുഴുവൻ ഒരാൾ കാവലിരിക്കണം. ഭഗവാനെ മനുഷ്യനായി സങ്കൽപ്പിച്ചുള്ള ഈ ചടങ്ങുകൾ സാധാരണ ഉത്സവാഘോഷങ്ങൾക്കിടയിൽ ആരും ശ്രദ്ധിക്കാറില്ല. ഇനി രാവിലെ പള്ളിയുണർത്തൽ