വായനശാല

    ഇവിടെ വായന മരിച്ചിട്ടില്ല [ അമേരിക്ക - 94]        ഞാൻ അമേരിക്കയിൽ വന്ന് ആദ്യം പോയത് റസ്റ്റ്‌ൻ റീജിനൽ ലൈബ്രറിയിൽ ആണ് .215000 പുസ്തകം ഈ ചെറിയ ലൈബ്രറിയിൽ തന്നെ ഉണ്ട് .അവിടുത്തെ ആധുനിക സൌകര്യങ്ങൾ എന്നെ അത്ഭുതപ്പെടുത്തി .നമ്മുടെ മെംബെർഷിപ്‌ കാർഡ്‌ വച്ച് ലൈബ്രറിയുടെ വെബ് സയ്റ്റി ൽ നിന്ന് പുസ്തകങ്ങൾ നമുക്ക് ഡൌണ്‍ലോഡ് ചെയ്യാം .നമ്മുടെ മൊബയിലിൽ അതു വായിച്ചു തരുന്നു .ഐപ്പാടിൽ വായിക്കുകയും ചെയ്യാം .പതിന ഞ്ചു ദിവസം കഴിഞ്ഞാൽ ഇതു ടൈം ഔട്ട്‌ ആകും . ഇലട്രോണിക്ക് ബുക്കുകൾ വേറേയുണ്ട്.           പുസ്തകങ്ങൾ ബാർകോഡ് വച്ച് നമ്മൾ തന്നെ ഇഷ്യൂ ചെയ്യുന്നു .ഒരിടത്ത് മെംബെർഷിപ്‌ എടുത്താൽ മറ്റു ലൈബ്രറികളിലും [റീ ജി നൽ ]ആ കാർഡ്‌ മതിയാകും .തിരിച്ചു കൊണ്ടുവരുമ്പോൾ അത് അവിടെ ഒരു കൌണ്ടറിൽ കൊണ്ട് വച്ചാൽമതി .നമ്മുടെ പേരിൽ വരവ് വച്ചു കൊള്ളും .ശാന്തമായ അന്തരീക്ഷത്തിൽ, കുട്ടികൾപോലും ഒരു ശബ്ദവും ഉണ്ടാക്കാതെ ഇവിടെ പുസ്തകം തിരഞ്ഞെടുക്കുന്നു അവിടെയിരുന്നു വായിക്കുന്നു .പഠിക്കുന്നു .ഒരോ പ്രായത്തിലുള്ള കുട്ടികൾക്ക് പ്രത്യേകം പ്രത്യേകം റൂം ആണ്. അവിടെ ഒക്കെ ശാന്തമായിരുന്ന് അച്ചടക്കത്തോടെ പുസ്തകം വായിച്ച് നോട്ടുകൾ കുറിച്ചെടുക്കുന്ന കുട്ടികൾ എനിക്കൊരത്ഭൂതമായിരുന്നു. ഉപയോഗിച്ച പുസ്തകങ്ങൾ ചുരുങ്ങിയ വിലയ്ക്ക് ഇവിടെ നമുക്ക് വാങ്ങാൻ കിട്ടും. ചർച്ചകൾ, സെമിനാറുകൾ, പഠന ക്ലാസുകൾ എല്ലാത്തിനും ഇവിടെ സൗകര്യമുണ്ട്. സേവന സന്നദ്ധരായ ജോലിക്കാർ എന്തു സഹായത്തിനും ഒപ്പമുണ്ട്. രാവിലെ മുതൽ വായനയും പഠനവുമായി അവിടെ ഇരിക്കുന്ന വളരെപ്പേരേ എനിക്കവിടെ കാണാനിടയായി. നല്ല ചൂടു ചായയും കാപ്പിയും അവിടെക്കിട്ടും.            കലാസാംസ്കാരിക രംഗത്തെ കൂട്ടായ്മക്ക് വേണ്ട എല്ലാ സൌകര്യങ്ങളും അവിടെ ഒരുക്കിയിട്ടുണ്ട് .നമ്മുടെ നാട്ടിലെ ലൈബ്രറികൾ ഈ നിലയിലേക്ക് എത്തുന്നതി ന് നമുക്ക് കാത്തിരിക്കാം .നാട്ടിൽ ഗ്രസ്ഥശാലാ പ്രവർത്തനത്തിൽ സജീവമായിരുന്ന എനിക്ക് സ്വപ്നം കാണാൻ മേലാത്തത്ര സൗകര്യങ്ങൾ ആണ് ഇവിടുത്തെ ഗ്രന്ഥശാലാ ശൃംഖല ഇവിടെ ഒരുക്കിയിരിക്കുന്നത്.ഇൻഡ്യയിലെ ഏതാണ്ട് എല്ലാ ഭാഷകളിലേയും ബുക്കുകൾ ഇവിടെ ക്കണ്ടു.