ആനിക്കാട് കൃഷ്ണകുമാർ - മദ്ധ്യ തിരുവിതാംകൂറിൻ്റെ സ്വന്തം മേളപ്രമാണി കുറിച്ചിത്താനം പൂത്തൃക്കോവിലിലെ ഏകാദശി വിളക്കിൻ്റെ മേള വൈവിദ്ധ്യത്തെപ്പറ്റിപ്പറയുമ്പോൾ പാണ്ടിമേളത്തേപ്പറ്റിപ്പറയാതെ പോവുക ശരിയല്ല. ഇത്തവണത്തെ ഏകാദശി പാണ്ടിമേളത്തിൻ്റെ പ്രമാണി ക്ഷേത്ര വാദ്യകലാനിധി ആനിക്കാട് കൃഷ്ണകുമാർ ആണ്.അച്ഛൻ്റെ അടുത്തു നിന്ന് തായമ്പക അഭ്യസിച്ച് പതിമൂന്നാം വയസ്സിൽ ആനിക്കാട് തെക്കുംതല ക്ഷേത്രത്തിൽ തായമ്പക അരങ്ങേറി. പിന്നെ കലാപീ0 ത്തിൽ പഠനം.ഊരമന വേണു മാരാരുടെ ശിക്ഷണത്തിൽ മേളത്തിൻ്റെ എല്ലാ തലവും സ്വായത്തമാക്കി. പിന്നീട് വെന്നിമല ഗോവിന്ദ മാരാരുടെ അടുത്ത് ക്ഷേത്രാടിയന്തിര പഠനം പൂർത്തിയാക്കി. ' ഇന്ന് ഇദ്ദേഹം മദ്ധ്യകേരളത്തിലെ എണ്ണം പറഞ്ഞ മേളകലാകാരനാണ്. പത്മശ്രീ ജയറാമിൻ്റെ മേളത്തിലും കൃഷ്ണകുമാർ സജീ വം: വടക്കൻ ജില്ലകളിലെ പുകൾപെററ വാദ്യകലാകാരന്മാർക്കൊപ്പം നിൽക്കാൻ പോന്ന ഒരു കലാകാരനായി വളർന്ന കൃഷ്ണകുമാർ നമുക്കൊക്കെ അഭിമാനമാണ്. ഒരു താളവിസ്മയത്തിനായി സാദരം സ്വാഗതം.